2025 წლის 30 აპრილს ევროპის საბჭოს მინისტრთა კომიტეტმა, დღის წესრიგის საკითხის - „ევროპის საბჭო და კონფლიქტი საქართველოში“ ფარგლებში, მეთორმეტე გადაწყვეტილება მიიღო. ევროპის საბჭო და ორგანიზაციის წევრი 46 ქვეყანა კიდევ ერთხელ ადასტურებს საერთაშორისოდ აღიარებულ საზღვრებში საქართველოს სუვერენიტეტისა და ტერიტორიული მთლიანობის მტკიცე მხარდაჭერას.

2025 წლის 30 აპრილს, ევროპის საბჭოს მინისტრთა მოადგილეების კომიტეტის 1527-ე სხდომაზე განხილულ იქნა ევროპის საბჭოს გენერალური მდივნის 31-ე კონსოლიდირებული ანგარიში - „კონფლიქტი საქართველოში“. სხდომაში მონაწილეობა მიიღო საგარეო საქმეთა მინისტრის მოადგილემ, ლაშა დარსალიამ.

2024 წლის 17 დეკემბერს, საქართველოს ევროპის საბჭოს გენერალური მდივანი, ალენ ბერსე ვიზიტით ეწვია. ვიზიტის ფარგლებში, ალენ ბერსე შეხვედრებს გამართავს საქართველოს პრემიერ-მინისტრთან, ირაკლი კობახიხესთან, პარლამენტის თავმჯდომარესთან - შალვა პაპუაშვილთან, არჩეულ პრეზიდენტთან - მიხეილ ყაველაშვილთან, საგარეო საქმეთა მინისტრთან - მაკა ბოჭორიშვილთან.

2024 წლის 27 ნოემბერს, ევროპის საბჭოს მინისტრთა მოადგილეების კომიტეტის 1513-ე სხდომაზე განხილულ იქნა ევროპის საბჭოს გენერალური მდივნის 30-ე კონსოლიდირებული ანგარიში - „კონფლიქტი საქართველოში“. სხდომაში მონაწილეობა მიიღო საგარეო საქმეთა მინისტრის პირველმა მოადგილემ, ლაშა დარსალიამ. 

საქართველოს მუდმივმა წარმომადგენელმა, ელჩმა თამარ ტალიაშვილმა, ევროპის საბჭოს მინისტრთა კომიტეტის სხდომაზე, ქალთა მიმართა ძალადობის და ოჯახში ძალადობის წინააღმდეგ მიმართულ ქმედებებზე მომუშავე ექსპერტთა ჯგუფის (GREVIO) პრეზიდენტს მიმართა და ქალთა მიმართ და ოჯახში ძალადობის წინააღმდეგ საქართველოს მიერ გადადგმულ ნაბიჯებზე ისაუბრა.

“საქართველოს ხელისუფლების მთავარ ინტერესს წარმოადგენს ეროვნული არჩევნების საერთაშორისო დემოკრატიული სტანდარტების შესაბამისად ჩატარება,“ - აღნიშნა თამარ ტალიაშვილმა. მან ყურადღება გაამახვილა საარჩევნო რეფორმის შედეგად მიღწეულ პროგრესზე, რომელიც მეტწილად ვენეციის კომისიის, ეუთოს დემოკრატიული ინსტიტუტებისა და ადამიანის უფლებების ოფისის (OSCE/ODIHR), ასევე ევროსაბჭოს კორუფციის წინაღმდეგ სახელმწიფოთა ჯგუფის (GRECO) რეკომენდაციების შესაბამისად განხორციელდა.

ევროსაბჭოში გაიმართა სხდომა, რომელსაც ესწრებოდა ადამიანის უფლებების ევროპული სასამართლოს ახლადარჩეული პრეზიდენტი მარკო ბოსნიაკი. სხდომაზე სიტყვით გამოვიდა საქართველოს ელჩი თამარ ტალიაშვილი, რომელმაც ადამიანის უფლებათა ევროპულ სასამართლოსთან საქართველოს ნაყოფიერ თანამშრომლობაზე ისაუბრა. მან ყურადღება გაამახვილა საქართველოს მოქალაქეების მიერ ევროპული სასამართლოსადმი სასარჩელო მიმართვის სტატისტიკაზე და აღნიშნა, რომ ევროსაბჭოში საქართველოს წევრობის მანძილზე, საქართველოს მიმართვიანობის საუკეთესო ისტორიული მაჩვენებელი აქვს და მიმართვიანობამინიმუმამდეა შემცირებული.

საქართველოს მუდმივი წარმომადგენელი, ელჩი თამარ ტალიაშვილი ევროსაბჭოს მინისტრთა კომიტეტის სხდომაზე სიტყვით გამოვიდა. თამარ ტალიაშვილმა სხვა საკითხებთან ერთად, ისაუბრა საქართველოს პრემიერ მინისტრის ირაკლი კობახიძისა და ევროპის საბჭოს ახალი გენერალური მდივნის ალან ბერსეს შეხვედრაზე, რომელიც გაეროს გენერალური დებატების ფარგლებში, ქ. ნიუ- იორკში გაიმართა.

საქართველოს ელჩმა მადლობა გადაუხადა ეროვნულ უმცირესობათა დაცვის შესახებ ევროპის საბჭოს ჩარჩო კონვენციის მრჩეველთა კომიტეტს, საქართველოსთან წარმატებული თანამშრომლობისთვის.

საქართველოს პრემიერ-მინისტრი ირაკლი კობახიძე ევროპის საბჭოს გენერალურ მდივანს, ალან ბერსეს შეხვდა. გაეროს გენერალური ასამბლეის 79-ე სესიის ფარგლებში გამართულ შეხვედრაზე, მთავრობის მეთაურმა ალან ბერსეს ევროპის საბჭოს გენერალურ მდივნად არჩევა მიულოცა და წარმატებები უსურვა.

ევროპის საბჭოს რიგით მე-14 გენერალურმა მდივანმა მარია პეიჩინოვიჩ-ბურიჩმა დაასრულა თავისი საქმიანობის მანდატი, რომლის განმავლობაშიც ევროპის საბჭოს წვლილი საქართველოს სუვერენიტეტის და ტერიტორიული მთლიანობის მხარდაჭერაში მნიშვნელოვნად გაიზარდა.

საქართველო ერთ-ერთია იმ მოწინავე 10 ქვეყანას შორის, რომლებმაც ხელი მოაწერეს მსოფლიოში პირველ საერთაშორისო კონვენციას ხელოვნური ინტელექტის შესახებ.