2024 წლის 24 აპრილს, ევროპის საბჭოს მინისტრთა მოადგილეების კომიტეტის სხდომაზე განხილულ იქნა ევროპის საბჭოს გენერალური მდივნის 29-ე კონსოლიდირებული ანგარიში - „კონფლიქტი საქართველოში“. სხდომაში მონაწილეობა მიიღო საგარეო საქმეთა მინისტრის პირველმა მოადგილემ, ლაშა დარსალიამ.
დედა ენის დღესთან დაკავშირებით სტრასბურგში, გენერალ კლებერის მოედანზე ღონისძიება გაიმართა სახელწოდებით - „ლიტერატურული მოგზაურობა”. ღონისძიებაზე ევროპის საბჭოში საქართველოს ელჩმა თამარ ტალიაშვილმა შოთა რუსთაველის „ვეფხისტყაოსნის“ შესახებ ისაუბრა და ქართულ ენაზე წაიკითხა ამონარიდები ნაწარმოებიდან.
ევროპის საბჭოს მინისტრთა კომიტეტის სხდომაზე ევროპის საბჭოში საქართველოს ელჩმა თამარ ტალიაშვილმა რუსეთის წინააღმდეგ საქართველოს საქმეებზე სტრასბურგის სასამართლოს მიერ მიღებულ ისტორიულ გადაწყვეტილებებზე ისაუბრა.
სტრასბურგის სასამართლომ სახელმწიფოთაშორის დავაზე „საქართველო რუსეთის წინააღმდეგ (IV)“ (ე.წ. „განგრძობადი ოკუპაციის საქმე“) რუსეთს დააკისრა სრული პასუხისმგებლობა ოკუპირებულ ტერიტორიებსა და საოკუპაციო ხაზის გასწვრივ საქართველოს მოსახლეობის მასობრივი შევიწროების, დაკავების, თავდასხმების, მკვლელობებისა და ამგვარი ფაქტებისადმი ოფიციალური შემწყნარებლობის პრაქტიკისათვის, რომელიც საქართველოს ტერიტორიების ოკუპაციისა და ე.წ. „ბორდერიზაციის“ ფონზე მიმდინარეობს.
ევროსაბჭოში საქართველოს საელჩოს ორგანიზებით, საქართველოს პარლამენტის კულტურის კომიტეტის თავმჯდომარე ელისო ბოლქვაძე საელჩოსთან არსებული საკვირაო სკოლის მოსწავლეებს შეხვდა
წელს, საქართველოსა და ევროპის საბჭოს შორის არსებული მჭიდრო და წარმატებული თანამშრომლობის 25 წელი აღინიშნება. საქართველო-ევროსაბჭოს ურთიერთობების შესახებ ქართული საზოგადოების უკეთ ინფორმირების მიზნით, შეიქმნა და გავრცელდა ევროსაბჭოში საქართველოს ელჩის, თამარ ტალიაშვილის მიმართვა, სადაც იგი საუბრობს აღნიშნული თანამშრომლობის მნიშვნელობასა და საქართველოს წვლილზე ევროსაბჭოს საქმიანობაში.
